Pedagogika fanlari falsafa doktori PhD
Termiz davlat universitetida fizika kafedrasi 1971 yilda tashkil etilgan bo‘lib, o‘sha paytda kafedrada bir nafar fan nomzodi va besh nafar o‘qituvchi ishlagan. Fizika kafedrasi 1980 yildan boshlab rivojlanib bordi. 1980 yilda kafedrada besh nafar ilmiy darajali professor – o‘qituvchilar dotsent Norboyev N.N., dotsent G‘afforov J., p.f.n. Sariyev N.S., f.m.f.n. O‘rinov E.O‘., va f.m.f.n. To‘rayev E.YU. lar bo‘lib ulardan tashqari yana besh nafar o‘qituvchilar faoliyat ko‘rsatib, kafedra qoshida 5 ta o‘quv laboratoriyasi to‘la jihozlangan holda ishlab turar edi. Fizika kafedrasining rivojlanishida fizika matematika fanlari doktori, professor To‘rayev E.YU.ning fizika laboratoriyalarini oliy ta’lim talablari asosida jihozlanishida hissasi juda kattadir. Hozirgi paytda fizika kafedrasi qoshida 8 ta o‘quv laboratoriyasi mavjud bo‘lib, ularda Oliy ta’lim talablariga javob bera oladigan asbob va qurilmalar ishlab turibdi.
Hozirgi vaqtda kafedrada jami 14 shtat bo‘lib, shundan 13 nafar 1 stavkalik va 1 nafar 0,5 stavkada professor-o‘qituvchi faoliyat ko‘rsatadi. Bir nafar fan doktori, professor, bitta fan nomzodi, professor, 3 nafar (PhD) falsafa doktori, 1 nafar katta o‘qituvchi, 7 nafar o‘qituvchilar dars berishmoqda. Kafedraning ilmiy salohiyati 36% ni tashkil qiladi.
Kafedra o‘qituvchilari
afedrada o‘qitiladigan yo‘nalishlar:
Bakalavriat:
60530900- Fizika
Magistratura
70530901- Fizika (yo‘nalishlar bo‘yicha)
Kafedrada o‘qitiladigan fanlar:
Kafedrada olib borilayotgan ilmiy ishlar
Umumiy fizika kafedrasi oxirgi 2 yil ichida 8 ta darslik, 10 dan ortiq o‘quv qo‘llanma, 4 ta monografiya va 100 dan ortiq mahalliy va xorijiy ilmiy jurnallarda maqolalari nashr ettirildi. Shuningdek, kafedra qoshida magistratura mutaxassisligi mavjud bo‘lib, 2-kurs 11 ta magistrlar ustozlar hamkorligida ilmiy tadqiqot ishlari olib borishmoqda. Magistrlarning ham ilmiy maqolalari mahalliy va xorijiy jurnallarda chop etilib kelinmoqda.
Kafedrada olib borilayotgan ilmiy tadqiqot ishlari quyidagi mutaxassisliklar bo‘yicha olib boriladi.
1. Kondensirlangan holatlar fizikasi
2. Polimerlar fizikasi
3. Ta’lim va tarbiya nazariyasi va metodikasi (fizika va astronomiya)
Ilmiy tadqiqot ishlari Respublikamizdagi nufuzli oliy ta’lim muassasalari va ilmiy tadqiqot ishlari hamkorlikda olib borilmoqda. (M.Auezov nomidagi Janubiy Qozog’iston universiteti, O‘zbekiston Milliy universiteti, Ion plazma va lazerlar texnologiyalari ilmiy tadqiqot institutlari)
Ilmiy maqolalar
Kafedra professor-o‘qituvchilari asosan 01.04.09-Qattiq jismlar fizikasi, 01.04.06-Polimerlar fizikasi, 01.04.10-Yarim o‘tkazgichlar fizikasi, 13.00.02-Ta’lim va tarbiya nazariyasi va metodikasi (fizika ixtisosliklari bo‘yicha ilmiy tadqiqot ishlari olib borilmoqda.
Umumiy fizika kafedrasi M.Auezov nomidagi Janubiy Qozog’iston universiteti, O‘zbekiston milliy universiteti fizika fakulteti hamda Ion plazma va lazerlar texnologiyasi ilmiy tadqiqot instituti olimlari bilan shartnoma asosida ilmiy tadqiqot ishlarini olib borishmoqda.
Fizika fakultetining bitiruvchi mutaxassislariga iste’molchilarda talab katta bo‘lib, ularning ko‘pchiligi O‘zbekiston Respublikasi Fanlar akademiyasining institutlarida, tibbiy-diagnostika markazlarida, Mudofaa vazirligiga tegishli tashkilotlarda, Markaziy geologiya laboratoriyalarida, Oliy o‘quv yurtlarida, akademik litsey va kasb-hunar maktablarida hamda xalq xo‘jaligi korxonalarida faoliyat ko‘rsatmoqdalar
